Seanca e sotme në Kuvend ka nisur sërish me debat mes mazhorancës dhe opozitës.
Ka qenë kreu i grupit Parlamentar të PD-së Gazment Bardhi që ka pyetur Nikollën se ku është Arben Ahmetaj, deputeti për të cilin po mbahet seanca e posaçme për të votuar kërkesën e SPAK që i hap rrugë arrestimit të tij.
Nikolla në përgjigje i tha se nuk e dinte ku ndodhej ish-zv/kyeministri, ndërsa e paralajmëroi se nëse vazhdonte të pyeste, do t’i ndërpriste fjalën.
Bardhi: A ka informacion Nikolla mbi arsyet e mungesës së Ahmetajt në seancë dhe ku ndodhet ai ditën e sotme. E them për efekt procedure. Duhet të verifikoni se ku ndodhet Ahmetaj dhe cila është arsyeja e mungesës së tij.
Nikolla: Nuk kam asnjë infirmacion. E kemi informuar me e-mail dhe të gjitha rrugët zyrtare
Bardhi: Unë propozoj që Rama të vij në seancë dhe të japë sqarime
Nikolla: Do ju ndërpres fjalën
Bardhi: A nuk thatë dje se nuk e votojmë dot kërkesën e prokurorisë pa vepruar sipas procedurave.
Nikolla: Do ju ndëpres fjalën e
Bardhi: Meqë Ahmetaj është fshehur, si Rama, unë do të vazhdoj me raportin. Të drjetën e fjalës opozitës nuk ia heq askush.
