Aksident i rëndë në Itali, humbin jetën 4 të rinj, 3 prej tyre nga Maqedonia e Veriut

Katër persona kanë humbur jetën si pasojë e një aksidenti mbrëmjen e Pashkëve në Ponte Verde në Nizza Monferrato (Asti), në rrugën provinciale.

Përplasja shumë e fortë e automjeteve kokë më kokë ka sjellë vdekjen e menjëhershme të një të riu nga Asti dhe tre të rinjve nga Maqedonia e Veriut.

23-vjeçari nga Asti ishte i vetëm në makinën e tij, ndërsa 3 shtetasit nga Maqedonia e Veriut, nga 30 vjeç secili, rezidentë në zonë ndodheshin në mjetin tjetër.

Aksidenti ndodhi pak pas orës 22:00, dhe ekipet e shpëtimit mbërritën menjëherë në vendngjarje, në Ponte Verde, Nizza Monferrato.

I gjithë asfalti i rrugës provinciale ishte i mbuluar me xhama të thyer dhe pjesë makinash, çka tregonte forcën e përplasjes./Albeu.com/


Shtuar 10.04.2023 10:23