Ndërkohë që bota po zien kundër Facebook dhe Snapchat, Instagram bën lëvizjen e madhe
Pikërisht në kohën kur bota po zien nga debatet lidhur me Facebook-un dhe Snapchat-in, Instagrami duket se po qëndron jashtë vëmendjes së këtyre lajmeve. Në një deklaratë zyrtare, rrjeti social më IN i momentit ka bërë të ditur lajmin që shumë prej përdoruesve prisnin.

“Kemi dëgjuar se rifreskimi i postimeve (Refresh) është i bezdisshëm pasi mund të ndodhë automatikisht në momentin që jeni duke parë postimet e miqve tuaj. Kështu një pjesë e fotove nuk ju dalin në kryefaqe (Home). Pra, ne jemi duke punuar për opsionin ‘New Post’, të cilin mund ta shtypni manualisht për të parë fotot e reja,” ka sqaruar Instagram-i.

Me këtë opsion të ri të Instagram-it, zor se do na shpëtojë ndonjë foto pasi ato do të dalin në rrjedhë kronologjike.

Pas revoltimit të Rihanna-s kundër Snapchat-it dhe skandalit të sigurisë në Facebook sipas Cambridge Analytica, Instagram-i po fiton përherë e më shumë përdorues duke qëndruar jashtë debateve të tilla. Taktikë e mirë!

Shtuar më 22/03/2018, ora 21:15

Shkruani komentin tuaj!
Të fundit nga kjo kategori