Specialistët i kanë dy fjalë me ne: ajo që hamë ndikon në aromën e trupit (nuk e kemi fjalën vetëm për qepën apo hurdhrën.) Disa substanca që gjenden në ushqimet e mëposhtme metabolizohen në mënyra të ndryshme, gjë që ndikon tek aromat që çlirohen.

Nëse keni ndonjë takim (pune ose intim) dhe do të rrethoheni nga njerëz, bëni mirë t'i shmangni këto ushqime:

Kafe

Substanca e kafeinës stimulon Sistemin Nervor Qendror duke aktivizuar gjendrat e prodhimit të djersës. Menjëherë do të vini re që pështyma prodhohet në sasi të pakta dhe si rrjedhojë do të shumohen bakteret që shkaktojnë erën e keqe të gojës.

Mish i kuq

Disa studime dolën në përfundimin se aroma e vegjetarianëve është më e mirë se ajo e personave që konsumojnë mish. Kështu, pakësoni mishin dhe zëvendësojeni me fruta deti, perime etj.

Qepë

Vajrat që përmban qepa përfundojnë në gjak, mushkëri dhe dalin me anë të frymëmarrjes. Nuk ka shpëtim derisa të largohen plotësisht nga organizmi.

Alkool

Do të mbani era alkool, sepse një sasi e vogël e tij del jashtë përmes poreve të lëkurës.

Peshk

Peshqit si toni dhe salmoni përmbajnë një vitaminë, e cila shkakton një aromë të ngjashme me të peshkut. Në rastet më të këqija, aroma mund të zgjasë për disa ditë.