Kujdes me kondicionerin, mësoni efektet negative gjatë dimrit
Në të katërta stinët, njeriu “modern” ka gjetur si zgjidhje për balancimin e temperaturave në ambientin ku jeton dhe punon, kondicionerin. Por, përditë e më shumë, po haste në rastet kur kondicioneri shfaq efekte tejet negative në shëndetin tonë.

Nuk bëhet fjalë vetëm për dhimbjen e fytit dhe qafën e forcuar. Fillimisht duhet të keni parasysh se ajri i kondicionuar prodhon thatësi të tepruar në mjedis.

Por cilat janë “kërcënimet” reale të kondicionerit në shëndetin tonë...

Dhimbje koke

Nëse qendroni për disa orë në ajërkondicionuar dhe më pas dilni në një ambient ku ka ndryshim të dukshëm temperaturash, dhimbjet e kokës janë një nga efektet e kondicionerit.

Infeksionet virale

Kur dyert dhe dritaret mbahen mbyllur, për shkak të kondicionerit, nuk qarkullon ajër i pastër. Ajri i ftohtë ka shumë mundësi të transmetojë virusin e gripit ose bakterie të tjera. Nëse sistemi imunitar është i dobësuar shanset janë edhe më të larta që ju të prekeni nga një infeksion viral.

Ul aftësinë për të përballuar të ftohtin

Nëse ju qëndroni për disa kohë vetëm në ajërkondicionuar, aftësia që trupi juaj të përballë vetë të ftohtin bëhet e pamundur.

Trupi stresohet kur kalon nga një mjedis i ngrotë artificial në atë të ftohtë.

Sy të thatë e të acaruar

Ky është një tjetër efekt negativ i kondicionerit sidomos tek ata njerëz që kanë një histori të mëhershme të problemeve me sytë.

Dehidratim

Dehidrimi është një tjetër pengesë për ata që kalojnë shumë orë në një dhomë me ajërkondicionuar. Ndjenja e mirëqenies që ndiejmë është përcaktuar kryesisht nga fakti që kondicioneri filtron dhe heq lagështinë.

Shtuar më 25/11/2019, ora 09:59

Shkruani komentin tuaj!
Të fundit nga kjo kategori