Ja çfarë gabimesh bëjnë çiftet që janë në prag të fejesës
Fejesa dhe martesa cilësohet si një nga momentet më të bukura të një çifti, pasi kjo dëshmon qe historia e tyre e dashurisë po kurorëzohet.

Këto momente shoqërohen me entuziazëm dhe për këtë arsye të gjithë e harrojmë nga pak veten dhe marrëdhënien, duke e bërë edhe më të vështirë të ardhmen.

Entuziazmi thuhet se është një shkaqet kryesore për gabimet që bëjmë në fillim, të cilat koston e kanë më vonë, aq sa ndonjëherë mund të bëhen aq serioze sa të rrezikojnë vërtet lidhjen.

Studimet kanë cilësuar katër gabime që bëhen para hapit të fejesës, transmeton telegraf.
Nuk ruani identitetin tuaj

Nëse interesat tuaja (dhe të partnerit mbi të gjitha), nuk kanë qëllime të qarta, atëherë hapi i radhës do të jetë i nxituar. Gjëja më e rëndësishme që duhet të kesh në marrëdhënie është fillimisht ajo që do të bësh për veten. A ndihesh mirë dhe rehat me të gjithë kohën që po kalon me partnerin dhe përveç kësaj, edhe kur je me të duhet të ruash identitetin tënd. Nëse nuk ke mundësi të merresh me veten, cilësitë, interesat dhe qëllimet e tua, si mund të kontribuosh në një marrëdhënie?

Po fejoheni për disa arsye të gabuara

1. Ora biologjike po troket…
2. Të gjitha shoqet janë fejuar, martuar dhe ti ke mbetur e vetme.
3. Ke një marrëdhënie më të gjatë se të gjithë ato që njeh rreth e rrotull…(është arsye kohe).
4. Partneri ka një stabilitet financiar, ndërsa ti jo (…edhe pse nuk jeni në një fazë për të hedhur një hap të tillë).
5. Nuk je e lumtur me këtë marrëdhënie, por je shumë e lodhur për t’u rikthyer nga fillimi për të kërkuar partner të tjerë.

Nuk keni biseduar asnjëherë për qëllimet e përbashkëta

Nëse nuk keni menduar, as diskutuar për një të ardhme së bashku, atëherë është më mirë që të mendohesh dy herë. Si individ, por edhe në çift, ju duhet të keni qëllime dhe t’i shihni ato së bashku, shkruan revista class. Të kesh objektiva për të ardhmen do të thotë të mbash gjallë edhe pasionin për t’i arritur ato, por do të thotë njëkohësisht edhe një shkallë më lart në marrëdhënien tuaj. Ju duhet ta shikoni bashkë të ardhmen.

Ëndërroni të jeni burrë e grua

Çfarë mund të ishte më bukur se sa planifikimi i martesës dhe ëndrra për të qenë së bashku? Por përfshirja e të gjithëve në këto plane, familjes dhe miqve, si dhe ëndrra e vazhdueshme për të qenë burrë e grua ju largojnë nga momenti dhe nga fokusi tek njëri-tjetri. Koha më e bukur është tani, ndaj sigurohuni të jeni më afër njëri-tjetrit për të shijuar çdo hap dhe për të qenë më të përgatitur për hapin final. /Albeu.com/
Shtuar më 30/01/2016, ora 18:15

Shkruani komentin tuaj!
Të fundit nga kjo kategori