Ja çfarë duhet të bëni për fytyrën pas plazhit
Ditët e plazhit gjatë këtij sezoni bëjnë që ne shpesh të kemi probleme me lëkurën. Pas plazhit dhe pse ne mund të kemi përdorur kremëra të ndryshëm vëmë re se lëkura fillon të shfaqë probleme, pavarësisht kujdesit që ke treguar me kremra apo vajra mbrojtës.

Ekzistojnë disa këshilla që do ju vijnë në ndihmë për të pasur një lëkurë sa më të shëndetshme dhe larg diegieve, si;

Dushi
Dielli dhe rëra i kanë bërë mjaft dëm lëkurës, gjithashtu shtresat e kremit njëra pas tjetrës e kanë ngarkuar lëkurën, kripa nga uji i detit po ashtu. E para gjë, sapo të vish të shtëpi është dushi dhe pastrimi i fytyrës me scrub.

Maskë hidratuese
Maska me luleshtrydhe dhe me kos është ideale për hidratimin e fytyrës pas plazhit. Pasi t'i kesh shtypur dy dredhëza, përzieji me një lugë kos. Përhape masën në fytyrë dhe mbaje për rreth 10 minuta. Shpëlaje me ujë të rrjedhshëm dhe pas kësaj, fytyrën do ta kesh më të butë.

Krem kundër djegieve
Pas një dite plazhi, me gjithë mbrojtjen që i ke bërë fytyrës, ajo duket e skuqur. Megjithatë, duke përdorur maskën dhe më pas kremin kundër djegieve, lëkura do të zbutet dhe do të neutralizohet. Kosi është gjithmonë aleat i mirë. /albeu.com/
Shtuar më 19/07/2015, ora 12:23
Shkruani komentin tuaj!
Të fundit nga kjo kategori