Newcastle ka hedhur sytë nga Serie A. Një nga objektivat e klubit anglez për mesin e fushës është Adrien Rabiot, i cili është pjesë e Juventusit prej verës së vitit 2019.
Francezi numëron 95 ndeshje me bardhezinjtë e Allegrit. Deri tani ai nuk ia ka dalë të shfaqë gjithë potencialin e tij në Itali, dhe është larg lojtarit që kemi parë te PSG.
Rabiot nuk cilësohet i pazëvendësueshëm nga Juventusi, që kërkon minimalisht 13 milionë paund për të lënë të lirë 26-vjeçarin në merkaton e janarit.
Një shumë e tillë nuk është aspak problem për milionerët e Newcastle, teksa së shpejti pritet të nisin bisedimet zyrtare mes dy klubeve.
