Një fëmijë i vogël ia ka dalë të vërë në siklet, Papa Françeskun, gjatë një fjalimi në Vatikan në ditën e Familjes.

Papa po i drejtohej një turme njerëzish kur djaloshi filloi të bridhte në skenë, t'i afrohej e të bënte pak muhabet me të.

Ndihmësit e Papës u përpoqën ta largonin, duke i dhënë edhe ëmbëlsira, por pa sukses. Fëmija e pranoi me kënaqësi ëmbëlsirën, por nuk u largua.

Ai qëndronte në krah të Papa Franceskut duke përqafuar këmbën e tij gjatë fjalimit. Nga ana tjetër, Papa e përkëdhelte fëmijën në mënyrë që ai të "rrinte urtë". Në fund, djaloshi u ul në karrige në rreshtin e parë. /albeu.com/