Polici në Berat u pezullua nga detyra pasi goditi fqinjën, detaje nga sherri: U zunë për gardhin ndarës

Dritan Toska, efektiv i Patrullës së Përgjithshme në Komisariatin e Beratit u pezullua nga detyra pas denoncimit të një qytetareje se e  kishte goditur.

Lajmi u bë i ditur nga Agjencia e Mbikëqyrjes Policore, e cila ka vendosur pezullimin e tij nga detyra pas denoncimit që është bërë pasditen e djeshme.

Mësohet se efektivi Dritan Toska, me banim në Kuçovë, është përfshirë në një konflikt, fillimisht verbal me komshinjtë e tij ku “mollë sherri” është bërë një gardh ndarës mes dy familjeve.

Fillimisht konflikti ka nisur me të shara dhe ofendime dhe më pas efektivi ka qëlluar me pëllëmbë fqinjën e tij, e cila pretendon se në një moment ka dashur të nxjerrë edhe armën.

Edhe pse efektivi Dritan Toska nuk ka qenë në shërbim kur ndodhi konflikti, me përfshirjen e tij në konflikt si dhe me goditjen e gruas që e denoncoi, ka thyer rëndë Kodin Etik të Policisë së Shtetit.

Materialet hetimore në ngarkim të Toskës në lidhje me ngjarjen i kanë kaluar Prokurorisë së Rrethit Gjyqësor Berat./Albeu.com/


Shtuar 13.08.2023 10:31