Autoritetet italiane kanë dënuar me 14 vite burg 30-vjeçarin Federico Lacona, i cili vrau me thikë shtetasen shqiptare Brunilda Halla.
Ngjarja e rëndë ndodhi më 25 maj të vitit të shkuar, jashtë shtëpisë së 37-vjeçares në Vittoria, ku Lacona e goditi Brunildën në pjesën e pasme të kokës, shpatullave dhe qafës me një thikë. Më pas ai deklaroi se ishte një gjest “rebelimi ”.
Ndërkohë familja e shqiptares u dëmshpërblye me 75 mijë euro secili.
Brunilda Halla u vra në sy të njërit prej fëmijëve të saj, dhe më pas ndërroi jetë teksa po transportohej për në spital. Vrasja tronditi jo vetëm Vittorian, por gjithë Italinë.
