Çokollata të çlodh
Nëse e keni të vështirë të ngriheni nga krevati në mëngjes dhe nëse ndiheni gjithë ditën të lodhur, mos u mërzisni. Vetëm një copë çokollatë do t’ju heqë gjithë lodhjen.
Shkencëtarët pohojnë se çokollata lehtëson shenjat e sindromës së lodhjes kronike.

“The Telegraph” njofton se studiuesit e Universiteti Hull në Angli, dhe ata të shkollës së mjekësisë Hull, vërtetuan se çokollata bitter ndihmon në lehtësimin e shenjave të sindromës së lodhjes kronike.

Në studimin e publikuar në revistën mjekësore "Nutrition Journal", bëhet e ditur se shkencëtarët testuan një grup që vuante këtë shqetësim, për tetë javë i dhanë çokollatë bitter, pastaj e ndërprenë për t’i dhënë kakao të së njëjtës shije, transmeton Start.

Tek të sëmurët nga të cilët u kërkua të konsumonin nga 15 gr. çokollatë tre herë në ditë nuk u bë ndonjë ndryshim tjetër në ushqyerje. Në fund të studimit të sëmurët pohuan se kanë ndier çlodhje nga konsumimi i çokollatës.
Shtuar më 08/12/2010, ora 12:22

Shkruani komentin tuaj!
Të fundit nga kjo kategori