Poret e zgjeruara në fytyrë është e pamundur të mbyllen. Por me pastrimin e rregullt dhe të duhur të lëkurës së fytyrës, mund t’i bëni ato më pak të dukshme.

Nëse nuk e pastroni rregullisht fytyrën, në pore do të mblidhet papastërtia, mbetjet e makijazhit dhe qelizat e vdekura të lëkurës, me ç’rast ato do të zgjerohen edhe më shumë.

Meqenëse pudra e lëngshme depërton lehtë në pore dhe i zgjeron ato, para përdorimit të saj vendoseni në fytyrë kremin hidratues.
Përdorni piling për fytyrë ose ndonjë preparat mikrodermoabraziv për pastrim.

Ne po ju sjellim një "recetë" për pastrimin e poreve të fytyrës tuaj në kushte shtëpie:


Merrni një pjatë të vogël në të cilën vendosni:

1 lugë xhelatinë
1 lugë qumësht
I fusni në mikrovalë për 15 sekonda, deri sa masa të jetë e shkrirë dhe ja ku e kemi produktin.

Me një furçë kozmetike shpërndani nëpër fytyrë, e me theks të veçantë mbi hundën tuaj, duke u siguruar paraprakisht që masa nuk është tepër e ngrohtë për të përballuar fytyra juaj e po ashtu duke ruajtur pjesët rreth syve.

Prisni 10 minuta dhe largojeni atë nga fytyra dhe shiheni se si fytyra juaj është pastruar.