Bashkimi Europian ka reaguar pak orë pas vendimit të Kolegjit Zgjedhor i cili ka rrëzuar kërkesën e Partisë Socialiste për pavlefshmërinë e zgjedhjeve në Tiranë.
Zëdhënësja e baroneshës Catherine Ashton, Maja Kocijancic, ka deklaruar se Bashkimi Evropian është njohur tashmë me vendimin e Kolegjit dhe pret arsyetimin e tij për të shprehur qëndrimin zyrtar.

“BE është njohur me vendimin e Kolegjit dhe do të presë zbardhjen e tij për t`u njohur më mirë me këtë vendim. Pasi të njihemi me vendimin e Gjykatës, do të japim mendimin tonë”, ka nënvizuar ajo.

Ajo ka shtuar se BE po ndjek vëmendje të gjitha zhvillimet politike të ndodhura në Shqipëri. /albeu.com/