Gënjen për vendin ku gjeti paratë, gjobitet me 500 dollarë
Policia në Ilinois tha se një njeri që ktheu 17,000 dollarë u gjobit me 500 dollarë pasi kishte gënjyer për vendin e gjetjes së parave.

Robert Adams, 54 vjeçar, nga Arlington Heights ktheu çantën me para në Chase Bank në Rolling Meadows dhe i tha policisë se i kishte gjetur paratë afër një pike ku shiten gazeta në Rolling Meadows, u raportua të enjten.

Megjithatë, hetuesit kontrolluan kamerat e mbikqyrjes dhe zbuluan se Adams i kishte gjetur paratë afër një bankomati në Midlothian.

Adams u gjobit me 500 dollarë për plotësimin e një raporti të rremë. Ai i tha një gazete se gënjeu për vendin e gjetjes së parave sepse ndihej më rehat me autoritetet e Rolling Meadows.

"Ndihem keq, dhe e di se duhet të kisha thënë të vërtetën. E pranoj gjobën dhe më vjen vërtetë keq për të gjithë historinë" tha Adams. /albeu.com/
Shtuar më 01/07/2011, ora 16:25

Shkruani komentin tuaj!
Të fundit nga kjo kategori