Elena Pici është emëruar javën e kaluar si sekretare e Përgjithshme në Ministrinë e Brendshme pas dorëheqjes së Plarent Ndrecës dhe kaq mjaftoi që të ngjallej interesi të publiku se kush është vajza në fjalë.
Pici ka qenë figurante në klipin e Alban Skënderajt, “Mirëmëngjes” dhe pas reagimeve në media, këngëtari Alban Skënderaj, i ka dalë në mbrojtje teksa më tepër gjykon mentalitetin shqiptar.
“E përshkruar si diçka degraduese, ç’të keqe ka në parim të aktrosh në një klip 18 vjeçe, pavarësisht moshës, në një rol kryesor dhe aq më tepër në një klip artistik, familjar, të një kënge të vlerësuar, dëgjuar dhe respektuar nga të gjitha moshat?”, shkruan mes të tjerash këngëtari.
Ai shprehet se nuk e njeh personalisht Elena Picin, por ka mbështetjen e tij në një vend ku ka shumë halle thelbësore sesa të merren me të shkuarën e vajzës.
