Zgjidhet misteri 100 vjeçar, nga ka ardhur kristali i Egjiptit të lashtë?
Misteri i një kristali të verdhë, në trajtë xhami, i gjetur në shkretëtirën midis Egjiptit dhe Libisë dhe që është përdorur për stoli në lashtësi, i ka munduar shkencëtarë për pothuajse 100 vite. Si shkoi atje ku nuk kishte asnjeri? Nga u krijua?

Përgjigjja duket se është gjetur më në fund. Xhami i përhapur nëpër shkretëtirë është formuar pas përplasjes së një asteroidi në atmosferën e tokës, ku është thërrmuar nga shpërthimi.

Xhami formohet në mënyrë të natyrshme kur materialet e shkrira ftohen aq shpejt sa molekulat nuk kanë kohë të vendosen në një strukturë të rregullt, transmeton tch.

Ky xham është gjetur edhe në stolitë e lashta të Egjiptit, të cilat kanë qenë të groposura te piramida e Tutankamunit.

Shkencëtarët kanë gjetur gjurmë reiditi te kristalet, një material që krijohet vetëm kur shpërbëhen meteorët. Ata besojnë se pasi ka shpërthyer në ajër, nga fërkimi me atmosferën, temperatura e ftohtë ka bërë që materiali i shkrirë të kthehet menjëherë në xham e të përhapet nëpër shkretëtirë.
Shtuar më 19/05/2019, ora 13:45
Shkruani komentin tuaj!
Të fundit nga kjo kategori