Zbulohet planeti me kushte për zhvillimin e jetës
Astrofizikanët nga Observatori Jugor Evropian (ESO), deri në fund të gushtit do të japin detajet për një eksoplanet të ri, një “binjak” të Tokës, në orbitën rreth yllit Proksima Centauri – sistemin më të afërt me Sistemin Diellor, shkruan Der Spiegel.

Planeti i ri, i cili ende nuk ka një emër, mendohet se ka ujë të lëngshëm – që është kusht i rëndësishëm për ekzistencën e jetës.

Deri me sot astronomët nuk kishin zbuluar një planet kaq të ngjashëm me Tokën, e që të vetëm 4.24 vite dritë larg.

Zëdhënësi i ESO-s, Richard Hook, ka thënë se është njohur me artikullin, por nuk pranon të komentojë.

NASA njoftoi një vit më parë se zbuloi një eksoplanet të ngjashëm me Tokën, por shumë larg: 1400 vite drite.

Eksoplaneti i quajtur Kepler-452b, ka rreze 60 për qind më të madhe se Toka, dyshohet se ka masë shkëmbore, një atmosferë të trashë dhe një sasi të madhe uji.

Kepler-452b është një nga dymbëdhjetë eksoplanetet e reja të listuara në katalogun e fundit të zbulimeve nga teleskopi hapësinor Kepler.

Që këto eksoplanete të jenë të regjistruara, duhet të kenë diametër të dyfishtë në krahasim me Tokën, duhet të jenë në orbitë të yjeve jashtë Sistemit Diellor dhe që uji në sipërfaqe të tyre të jetë në formë të lëngshme – gjëra këto që i bëjnë potencialisht të banueshëm. /albeu.com/



Shtuar më 13/08/2016, ora 22:59

Shkruani komentin tuaj!
Të fundit nga kjo kategori