Vetëm 6 minuta diell në muaj, Rusia thyen rekord këtë dimër (FOTO LAJM)

Moska ka përjetuar dhjetorin e saj më të errët duke thyer rekord në vitin 2017, me vetëm gjashtë minuta diell.

Kryeqyteti rus zakonisht merr mesatarisht rreth një orë diell në ditë gjatë muajit të fundit të vitit, por ra në mënyrë dramatike në fund të vitit 2017, përcjell albeu.com

Stacioni meteorologjik i Universitetit Shtetëror të Moskës njoftoi se për të gjithë dhjetorin dielli në qiellin e Moskës u shfaq vetëm për "gjashtë minuta ose shtatë minuta", sipas agjensisë së lajmeve TASS.

Deri tani, muaji më i errët në Moskë ishte dhjetori i vitit 2000, kur u regjistruan vetëm tre orë diell.

Lajmi i dhjetorit të errët në Moskë, vjen kur temperaturat në Rusi bien në një nivel të ulët rekord, në një vend që ka disa nga vendet më të ftohta të banuara në tokë. /albeu.com/



Shtuar më 17/01/2018, ora 12:27

Shkruani komentin tuaj!
Të fundit nga kjo kategori