U gjet në Gjermani 250 vjet më parë, identifikohet krokodili misterioz
Një krokodil parahistorik që jetoi 180 milionë vjet më parë është identifikuar përfundimisht – gati 250 vjet pasi fosili i tij u zbuluaGjermani.

Kafka e grabitqarit u gjet në një qytet bavarez në vitet 1770, por studiuesit tani kanë zbuluar se ishte një Mystriosaurus laurillardi.

Kishte një kokë të gjatë, dhëmbë të theksuar dhe ushqehej me peshk. Për 60 vjetët e fundit, mendohej se kafsha ishte pjesë e një specie të ngjashme, e njohur si Steneosaurus bollensis, e cila ekzistonte rreth të njëjtën kohë.

Lloji tani i zhdukur, i cili jetonte në ujërat tropikale gjatë periudhës Jurassic, mund të rritet deri në 4,5 metra.

Paelologët identifikuan kafshën duke krahasuar fosilet e zbuluara në Mbretërinë e Bashkuar dhe Gjermani.

Ekipi, i cili përfshinte shkencëtarë nga Universiteti i Edinburgh, zbuloi gjithashtu se një kafkë tjetër, e zbuluar në Yorkshire në vitet 1800, i përket Mystriosaurus laurillardi.


Jetonte në dete të ngrohta së bashku me kafshë të tjera, përfshirë amonitë dhe zvarranikët e mëdhenj detarë, të quajtur ichthyosaurs.

Zbulimi i fosileve në Gjermaninë e sotme dhe Mbretërinë e Bashkuar tregon se speciet mund të notonin lehtësisht midis ishujve, ashtu si krokodilët modernë në ujin e njelmët, thonë studiuesit.

Sven Sachs nga Muzeu Naturkunde-Bielefeld, i cili drejtoi studimin, tha se krijesa dukej si një krokodil i madh që ushqehej me peshk, i cili mund të gjendet në Gadishullin e Indisë.

Dr Mark Young, nga Shkolla e GeoSciences e Universitetit të Edinburgh, i cili u përfshi në studim, tha se zbulimi i historisë dhe anatomisë komplekse të fosileve si Mystriosaurus është e nevojshme nëse duam të kuptojmë diversifikimin e krokodilëve gjatë Jurassic.

“Rritja e shpejtë e tyre në biodiversitet midis 200 dhe 180 milionë vjet më parë ende kuptohet dobët,” tha ai.

Studimi është botuar në revistën Acta Palaeontologica Polonica. Ai u mbështet nga Shoqëria Paleontografike, Leverhulme Trust dhe Këshilli i Shkencave të Natyrës dhe Kërkimit Inxhinierik i Kanadasë.

Mystriosaurus laurillardi, një kafkë e zbuluar në Gjermani, është një nga fosilet e para detare të krokodilit që është gjetur ndonjëherë nga studiuesit. Përmendur në dokumente qysh në vitin 1776, ai u riemërua mystriosaurus – për shkak se u mbulua në mister.

Fosili u zbulua nga Johann Friedrich Bauder, një tregtar dhe natyralist, dhe ishte kryetar i qytetit të vogël gjerman, ku u zbulua.
Shtuar më 15/09/2019, ora 20:32
Shkruani komentin tuaj!
Të fundit nga kjo kategori