Thirrjet për ndihmë që befasojnë edhe zjarrfikësit e Londrës
Statistikat e brigadës kundër zjarrit në Londër, tregojnë se që nga viti 2016, janë shpëtuar nga ngecja në tualet 650 persona.

Raporti i BBC tregon, zjarrfikësit ia kanë larguar një fëmije nga koka, enën që shfrytëzohet për urinim, zbritën një grua nga një pemë dhe larguan një papagall të ngecur në oxhak.

Kërkesë nga 650 persona të ngecur në tualet

Bashkë me kërkesat e pazakonta, në pesë vitet e fundit brigada ka pranuar edhe 30 mijë thirrje të rrejshme. Megjithëse ky trend ka rënë për 40 për qind, zjarrfikësit pranuar 5,410 telefonata të rrejshme vetëm gjatë vitit të fundit.

Në 4,201 raste, është intervenuar edhe pse nuk ka pasur nevojë, ndërsa 1,209 është kuptuar që janë mashtrim, në momentin që po bëhej kërkesa telefonike.

“Sa do e çuditshme të jetë thirrja, ne do të nisemi me seriozitetin më të madh, mirëpo, kujdesuni që t’i ruani resurset tona” thuhet në komunikatën brigadës.

Kërkesa është shpërndarë në prag të një prillit, kur ka shumë telefonata të rrejshme, që janë një bezdisje shumë e madhe për forcat emergjente.
Shtuar më 01/04/2019, ora 15:12
Shkruani komentin tuaj!
Të fundit nga kjo kategori