Tempulli i Tigrave në provincën e Kanchanaburi, 80 km larg Bangkokut, është themeluar në vitin 1999, ku një murg mori në kujdestari një tigër të vogël të braktisur. Sot numri i tigrave është rritur, gjithashtu edhe numri i kujdestarëve.

Në këtë vend, murgjit rrisin dhe zbusin tigrat të cilët nuk janë të rrezikshëm në kontakt me njerëzit. Këto kafshë janë identik me tigrat e tjerë, vetëm se janë shumë të qetë dhe "miqësor".

Tashmë ky tempull është kthyer në një nga vendet më të vizituara nga turistë, të cilët vijnë nga të gjitha vendet, për ti parë nga afër, por dhe për të bërë foto me tigrat.

Hyrja për këtë tempull, kushton vetëm 20 euro.