Një maune me 505 qen të vendosur në 156 kafazë të vegjël, u ndalua në autostradë nga Fumini në Kunming, në krahinën e Junanit, nga një grup aktivistësh për mbrojtjen e të drejtave të kafshëve.

Qenët do të thereshin dhe do të dërgoheshin në tryezat e disa restoranteve tradicionalë.

Mishi i qenit është një prej ushqimeve të zakonshme në Kinë, ndonëse së fundmi fushatat ndërgjegjësuese e kanë bërë gjithmonë e më të vështirë therjen e tyre dhe gjithmonë e më të ulët numrin e personave që rrjedhimisht i konsumojnë.

Aktivistët vendosën menjëherë foto të kafshëve dhe kushteve çnjerëzore me të cilat trajtoheshin në rrjetet sociale, duke marrë një mbështetje masive nga shumë vende të botës perëndimore.