SHBA dhe Britania kanë universitetet më të mira
Pëlqej
Universitetet më të mira në botë janë në SHBA dhe në Britani të Madhe. Renditja e fundit e universiteteve botërore radhisin 13 universitete nga këto dy vende në listën e më të mirave.

Vetëm SHBA-të kanë 77 universitete në listën e 200 më të mirave, me Insitutin e Teknologjisë së Kalifornisë në vend të parë. Britania ka 31 në listën e 200 më të mirave, në krye me Oksfordin. Shume institucione akademike evropiane shënuan rënie në këtë renditje dhe shkak besohet të jetë recesioni ekonomik, shkruan radio “Evropa e Lirë”.

Renditja merr në konsideratë reputacionin e institucionit, raportin numerik mes stafit dhe studentëve, si dhe hpeshtësinë e citimit në botën akademike. Vetëm një universitet rus ka arritur të jetë pjesë e listës, por ka mbetur jashtë 225-shes më të mirë, ndërsa Universiteti Sharif i Teknologjisë i Iranit u rendit në grupin e 251-275 më të mirëve në botë.
Shtuar më 03/10/2013, ora 13:45
Shkruani komentin tuaj!
Të fundit nga kjo kategori