Sa e rëndësishme është pavarësia gjatë adoleshencës?
Adoleshenti ka nevojë të kalojë kohë me grupmoshën e tij, në mënyrë që të zhvilloj aftësitë sociale dhe sensin e përkatësisë. Të kaluarit e kohës me bashkëmoshatarët, i ndihmon ata të ndërveprojnë, të krahasohen dhe të zhvillojnë aftësi të reja, të kuptojnë te ndryshmen e ta pranojnë atë, si dhe të ndërtojnë marredhënie pozitive me të tjerët.

Një tjetër sfidë për prindërit, është të minimizojnë kontrollin ndaj adoleshentit, duke e konsideruar këtë një tjetër hap të rëndësishëm për zhvillimin e tij. Në vend që të imponojmë djalin/vajzën të kaloj shumicën e kohës me familjen, do të ishte më e vlefshme të përcaktohej koha e kaluar me familjarët dhe ti lihej hapsira e duhur edhe shokëve.

Marrëdhënia që adoleshenti ndërton me shokët/shoqet ndikohet nga natyra e marredhënieve të vendosura në familje. Një marredhënie e shëndetshme, pozitive dhe e hapur me adoleshentin është një tjetër hap shumë i rëndësishëm.

Gjithashtu prindërit mund të ndihmojnë adoleshentin të përfshihet në aktivitete të ndryshme ( sportet, muzika, vullnetarizmi), në varësi të preferencave të tij. Një tjetër hap i rëndësishëm, është të njohësh shokët që frekuenton djali/vajza, pasi kjo është një mënyrë për të kuptuar më mirë fëmijën tuaj, shkruan Psikologu.al.

Çfarë sygjerojnë psikologët për prindërit që përballen me adoleshencën e djalit/vajzës?

• Hapsirë- jepi hapsirën e duhur adoleshentit dhe mos i impono “të ndajë me ju gjithcka ndodhet në mëndjen e tij”.

• Dëgjo- celësi i dëgjimit është që adoleshenti të ndjej gadishmërinë tuaj për të dëgjuar, kur ai ka nevojë të flasë për dicka.

• Këshillues- nëse adoleshenti kërkon mendimin tuaj, ai patjetër do t’iu pyes. Ndoshta ai preferon të gjej zgjidhjen në mënyrë të pavarur. Jep mendimin tënd mbi alternativat e mundshme, dhe lëre adoleshentin të marri vendimin e tij.

• Pyet- nëse mendon se djali/vajza juaj duhet të konsiderojnë mendimin tuaj, rreth një argumenti të caktuar, pyet nëse ata dëshirojnë të dëgjonë. Adoleshenti do ta vlerësonte shumë respektin e prindërve mbi pavarësinë e tij.

• Reagimi- nëse djali/vajza juaj ju thotë dicka që do t’iu shqetësonte mundohu të mos reagosh menjëherë (duke qarë, duke bërtitur ose duke u larguar). Është e pranueshme të shprehni frustrim, kundërshtim dhe të jepni mendimin tuaj. Nëse adoleshenti beson se ju nuk mund ta përballoni një diskutim të tillë, ai do të zgjidhte dikë tjetër për ta ndarë./albeu.com/

Shtuar më 10/01/2017, ora 15:36

Shkruani komentin tuaj!
Të fundit nga kjo kategori