Presidenti i Maqedonisë Gjorge Ivanov, pritet që nesër të realizojë takime të ndara me partitë politike në vend.

"Konsultimet me partitë politike parlamentare vijnë pas takimit të Ivanov me kryetarin e Gjykatës Kushtetuese Nikolla Ivanovski dhe takimit me euroambasadorin Zhbogar", kanë bërë me dije nga kabineti i presidentit.

Në takimin e sotëm me kryetarin e Gjykatës Kushtetuese, Ivanov ka theksuar se deri tani ka vepruar vetëm në suaza të të drejtave, detyrave dhe kompetencave të veta, duke e respektuar Kushtetutën e Republikës së Maqedonisë.

Ai ka theksuar se lidhur me gjendjen aktuale do të veprojë në pajtim me dispozitat kushtetuese dhe do të veprojë vetëm në interes të shtetit dhe të qytetarëve të Republikës së Maqedonisë. /albeu.com/