Puna në fundjavë rrit rrezikun për depresion
Nëse vazhdimisht jeni duke punuar jashtë orarit dhe më shumë sesa ç’rekomandohet, le t’ju rikujtojmë sa e rëndësishme është të gjeni një zgjidhje për të pushuar më shumë.

Hulumtimet e reja sugjerojnë se femrat që punojnë për shumë orë janë më të rrezikuara nga depresioni – më shumë sesa meshkujt që punojnë në të njëjtin orar. Gjithashtu, hulumtimet thonë se edhe puna në vikend mund të jetë kontribuues i problemeve të ndryshme të shëndetit mendor.

Kjo pasi që pakënaqësia me punën mund të kontribuojë në ndjenja depresive.

Analiza e të dhënave me 22,000 punëtorë ka zbuluar se femrat që kishin punuar me orar të gjatë (më shumë sesa 55 orë në javë), kanë qenë 7.3% më të prira të kenë simptoma depresive sesa femrat që punojnë 35-40 orë në javë.

Shkencëtarët gjithashtu kanë theksuar se puna gjatë vikendeve lidhet me një rrezik më të lartë të depresionit te dy gjinitë, ku femrat që punojnë në vikend kanë 4.6% shanse të jenë më depresive, ndërkaq meshkujt 3.4%.

Ata kanë theksuar se lidhja mes punës në vikend dhe depresionit mund të jetë për shkak se ata që punojnë vikendeve gjithashtu kanë tendenca të bëjnë punë që paguhen më pak, ku depresioni është më prezent.
Shtuar më 26/05/2019, ora 23:53
Shkruani komentin tuaj!
Të fundit nga kjo kategori