Pishina më e thellë në botë drejt përfundimit (FOTO LAJM)

Në Poloni është drejt përfundimit pishina më e thellë e botës, që mbërrin deri në 45 metra. Pishina premton të jetë vendi ideal për zhytësit profesionistë, por edhe amatorët. Ajo do të mbajë 8.000 metra kub ujë, një vëllim 27 herë më i madh sesa ai i një pishine të zakonshme 25 metërshe. Pishina "DeepSpot" po ndërtohet shumë pranë Varshavës, shkruan Alsat M, transmeton gazeta Koha.

Rreth 1.100 ton çelik po përdoren për të forcuar strukturën e saj, e cila përmban edhe një të ashtuquajtur "vrimë blu", vendi që shënon edhe thellësinë më të madhe. Ideatorët thonë se kjo pishinë do të jetë ideale si për fillestarët, ashtu dhe për zhytësit me eksperiencë. Ndërsa për ata që nuk duan të lagen nga uji, ka edhe një tunel nënujor, i cili iu ofron spektatorëve një pamje të rrallë. /albeu.com/

Shtuar më 03/04/2019, ora 17:42
Shkruani komentin tuaj!
Të fundit nga kjo kategori