Sipas “La Gazzetta dello Sport”, Inter e ka shumë seriozisht për Paulo Dybala, lojtari i cili është në skadencë kontrate me Juventusin në fund të sezonit.
Sipas të përditshmes italiane, Marotta ka patur një kontakt ditën e djeshme me Jorge Antun, agjentin e lojtarit. Me skuadrën nga Torino negociatat janë të ndaluara në këtë moment dhe Interi ka dashur që të propozojë kështu shifrat dhe kontratën.
Marotta ka dashur të thotë se ai është tepër i interesuar për blerjen e tij. Nëse juventus dhe Dybala nuk do të arrijnë një marrëveshje, Inter është gati ta rrëmbejë. Antun i ka bërë komplimenta Interit për seriozitetin.
Por kush është oferta ekonomike e Interit për Dybala? Sipas të përditshmes, skuadra zikaltër ka gati një kontratë me 7,5 milionë euro në sezon për pesë vite.
Një ofertë më e lartë se ajo e Juventusit ku merr 7 milionë euro në sezon. Tashmë gjithçka do të varet nga takimi i ditës së enjte që agjenti do të ketë me drejtuesit e Juventusit./ h.ll/albeu.com
