Nuk ikë nga banesa, pengon projektin 350 milionësh
70-vjeçari Zou Mingcan nga Kunming i provincës kineze Yunnan, u ka shpallur luftë kompanive ndërtuese duke e mbushur banesën e tij në katin e gjashtë me armë të bëra nga vet ai dhe ka vënë mina të fshehura.

Ai po e pengon zhvillimin e një projekti me vlerë prej 350 milionë funtesh, duke refuzuar që të largohet nga banesa e tij njëdhomëshe.

I veshur me një uniformë ushtarake, Zou qëndron roje në kulm me një numër të madh koktejesh molotovi, tulla dhe gurë, me të cilët i godet ata që përpiqen të afrohen.

“Unë kam qenë ndërtimtar dhe i di të gjitha mashtrimet. Ata nuk do të më largojnë nga këtu pa e paguar kompensimin e duhur. Unë e di sa vlen banesa ime për ata, prandaj është më mirë që të paguajnë”, ka thënë pensionisti.

Për t’iu hakmarrë, ndërtuesit ia kanë shkatërruar veturën dhe e kanë lënë jashtë ndërtesës.
Shtuar më 18/05/2012, ora 10:39

Shkruani komentin tuaj!
Të fundit nga kjo kategori