Pronari i një hoteli në Durrës ka denoncuar në polici largimin e dy punonjësve të tij.
Bëhet fjalë për dy shtetase nga Nepali. Shtetaset e huaja që ishin punësuar në biznesin e shtetasit I. K., 68 vjeç, janë larguar nga biznesi pa dijeninë e këtij të fundit.
Pronari ka bërë denoncim në Polici, duke thënë se dy punonjëset, përkatësisht 23 dhe 35 vjeçe janë zhdukur në drejtim të paditur.
Njoftimi i Policisë:
Në Stacionin e Policisë Plazh ka kallëzuar shtetasi I. K., 68 vjeç, administrator i një biznesi (hotel dhe restorant në zonën e quajtur
“Shkëmbi i Kavajës”, Durrës), se janë larguar nga ambientet e këtij biznesi, 2 shtetaset nga Nepali, P. Sh., 35 vjeçe dhe E. D., 23 vjeçe, të cilat ishin të akomoduara aty dhe gjithashtu punonin në po këtë biznes, si punonjëse të higjienës.
Shërbimet e Policisë vijon punën për gjetjen e tyre, si dhe kanë referuar materialet në Prokurori për hetime të mëtejshme për këtë rast./albeu.com/
