Abazoviç: Do të jemi shtylla kryesore e qeverisë së Malit të Zi

Kryeministri aktual i Malit të Zi Dritan Abazoviç, ka folur pas përfundimit të numërimit të votave.

Koalicioni “Guximi numërohet” ku ai bën pjesë me Lëvizjen “Ura” i ka marrë 13%.

Sipas këtij rezultati ky koalicion do të ketë 12 deputetë në Kuvendin e Malit të Zi.

Abazoviç tha se do të jenë shtylla kryesore e qeverisë malazeze.

“Qëllimi është një shoqëri gjithëpërfshirëse”, tha Abazoviç.

Ai theksoi se ka shumë punë për të bërë.

“Nuk ka rëndësi se ne ishim objektivi kryesor në fushata, anëtarët e të dyja partive treguan qëndrueshmëri dhe ia arritëm qëllimit. Vazhdojmë, do të llogarisim me guxim edhe në periudhën në vijim”, tha kryeministri në detyrë i Malit të Zi Dritan Abazoviç.


Shtuar 12.06.2023 08:54