Një peshk i llojit ton është shitur sot për 36,45 milionë jen (323,400 dollarë) në ankandin e parë të vitit 2018 në tregun e famshëm japonez të peshkut në Tsukiji.

Peshku, rreth 405 kilogramë, i vlerësuar 90 000 jen për kilogram, u kap në Oma, një nga bazat më të mira të peshkimit të peshkut ton në Japoni, në majën veriore të ishullit kryesor të Honshu.

Peshku u ble nga një grup i ndërmjetëm tregtarësh në Tokio, Yamayuki.

“Ishte më i lirë se sa pritej,” tha presidenti i Yamayuki, Yukitaka Yamaguchi për gazetarët.

Ky ishte ankandi i fundvitit në tregun e peshkut përpara zhvendosjes së tij në mënyrë kontroverse.

Tregu 82-vjeçar është planifikuar të zëvendësohet me një të ri në zonën e Toyoso në Tokio, në tetor.

Autoritetet do të vazhdojnë të kryejnë ndryshimet pavarësisht shqetësimeve të vazhdueshme për ndotjen e tokës dhe ajrit nga përdorimi i mëparshëm i një impianti për prodhimin e gazit në vend. /albeu.com/