NASA zbuloi të mërkurën "sasi të jashtëzakonshme të metanit në ajrin e planetit Mars" në atë që potencialisht mund të ishte një shenjë jete në Planetin e Kuq”, njoftoi New York Times të shtunën.

Nivelet e larta të metanit potencialisht mund të gjenerohen nën tokë nga mikrobet të quajtura metanogjene, që mbijetojnë pa oksigjen dhe prodhojnë gazin si një nënprodukt metabolik, transmeton tch. Shkencëtari i projektit Ashwin R. Vasavada i tha ekipit shkencor në një e-mail se “Duke pasur parasysh këtë rezultat të habitshëm, ne kemi riorganizuar fundjavën për të drejtuar një eksperiment pasues", shkroi Times.

Megjithatë, është gjithashtu e mundur që sonda të ketë zbuluar thjesht xhepat e metanit që rrjedhin nga thellësitë nën sipërfaqe, shkroi Times, dhe leximet janë vetëm paraprake.

Kur metani u zbulua në mënyrë të ngjashme në sipërfaqen e Marsit në 2004, shkencëtarët thanë se metani mund të gjenerohej edhe nga reaksione gjeotermale që përfshinin ujin dhe ngrohjen, megjithëse mekanizmi i saktë me të cilin mund të ndodhte në Mars mbeti një pyetje e hapur. (Që nga ajo kohë, kërkimet kanë sugjeruar se Marsi nuk mund të jetë aq gjeologjikisht inerte se sa mendohej më parë.)

Por Trace Gas Orbiter, një anije e re evropiane e lancuar në 2016 me instrumente më të ndjeshme, nuk zbuloi metan fare në grumbullimin e parë të vëzhgimeve shkencore vitin e kaluar.

Aktualisht sonda është larguar nga puna shkencore e planifikuar për të bërë ndjekje në leximet e metanit, sipas Times dhe më shumë të dhëna priten të hënën.