Të paktën 11 persona kanë humbur jetën në Zelandën e Re, si pasojë e një cikloni vdekjeprurës që ka pushtuar vendin javën e fundit.
Ndërkohë autoritetet kanë frikë se numri i viktimave mund të rritet nga momenti në moment, pasi fati i mijëra njerëzve mbetet ende i paditur pas motit ekstrem që goditi vendin.
Më shumë se 5,600 njerëz kanë humbur kontaktet me të afërmit apo miqtë që kur cikloni goditi vendin.
Policia beson se shumica e tyre thjesht nuk kanë akses në rrjetet e komunikimit, por frika po rritet për fatin e rreth 10 personave të zhdukur.
Pothuajse 62,000 familje kanë mbetur pa energji elektrike.
Po punohet për riparimin e dëmeve të shkaktuara nga cikloni. Kryeministri i vendit, Chris Hipkins siguroi se operacioni për gjetjen e personave të zhdukur dhe për lehtësimin e të prekurve vazhdon ditë e natë./albeu.com/
