Kryetari Sadiki uron arsimtarët dhe nxënësit
Me rastin e fillimit të vitit të ri shkollor 2013/2014 kryetari i Komunës së Studeniçanit Azem Sadiki ka uruar të gjithë arsimtarët dhe nxënësit e shkollave fillore të kësaj komunë për një vitë të mbarë shkollor duke ju uruar punë të mbarë dhe suksese.

“Uroj arsimtarët dhe nxënësit e shkollave të komunës sonë për një vitë të mbarë shkollor. Ju dëshirojë që suksesi ti ndjek edhe këtë vitë shkollor”, thuhet në urimin e kryetarit Sadiki, për fillimin e vitit të ri shkollor. Ndryshe në Komunën e Studeniçanit vetëm në tri shkolla qendrore dhe pereferike mësimin e ndjekin 3.142 nxënës nga të cilët 363 janë fillestar. Komuna e Studeniçanit me këtë rastë ka përuruar edhe punën e kryer me meremetimin e shkollës fillore “Alija Avdoviq” në fshatin Batincë.

Në Batincë është bërë meremetimi i shkollës fillore, janë lyer pjeset që ishin më shumë të dëmtuara ka ngelur edhe një pjesë e punëve për tu kryer, për të mos e penguar procesin edukativo- arsimor do të vazhdohet të punohet vetëm ditëve të shtuna dhe të diela. Janë ndërruar të gjitha pjesët e dëmtuara në ujësjellësin dhe kanalizimin e shkollës dhe është meremetuar instalimi i rrjetit elektrik”, thonë nga Komuna e Studeniçanit.

Kryetari Sadiki po ashtu njoftojë se janë marrë masa për ta përmirësuar kuadrin arsimor në të gjitha shkollat fillore të Komunës së Studeniçanit.

“Për vendet e punës që janë me kontratë kemi angazhuar kuadër të kualifikuar dhe adekuat”, tha Sadiki. /albeu.com/
Shtuar më 02/09/2013, ora 17:24
Shkruani komentin tuaj!
Të fundit nga kjo kategori