Kisha Ortodokse maqedonase nuk e ndalon më Facebook-un për klerikët
Kisha Ortodokse e Maqedonisë ka tërhequr urdhërin e ndalimit të përdorimit të rrjetit social Facebook, të vënë ndaj klerikëve të saj pak kohë më parë.

Peshkopi Klement, sekretar i Sinodit të Shenjtë të Kishës Ortodokse Maqedonase, ka thënë se kisha do t’i lejojë klerikët e saj të përdorin Facebook-un, por do të vendosë disa kufizime në përdorimin e tij.

Ai ka thënë se kisha do të sqarojë së shpejti detajet e përdorimit. Urdhëri i ndalimit që është vënë në muajin tetor është kundërshtuar nga shumë punonjës të rinj në kishë, të cilët kanë qenë aktivë në internet.

Zyrtarët e kishës kanë thënë se ndalesa ka për qëllim të ndalojë “fenomene të reja të rrëfimit dhe biseda intime me të rinjtë”. Rreth 67 për qind e popullsisë 2 milionë banorëshe të Maqedonisë janë të krishterë ortodoksë, dhe një shumicë e madhe e ture janë aktiv në rrjetet socoale siç është Facebook. /albeu.com/
Shtuar më 13/12/2013, ora 11:53
Shkruani komentin tuaj!
Të fundit nga kjo kategori