Kinezja që jeton në kafazin e ndërtuar nga burri i saj (FOTO LAJM)

Prej një viti një grua kineze është detyruar që të jetojë e mbyllur në një kafaz prej druri, të ndërtuar prej burrit të saj. Li Jinci nga Foshan, Guangdong tha se gruaja e tij, 33 vjeçarja Chen Xuemei, është me probleme mendore.

Përkeqësimi i gjendjes së saj kishte bërë që burri të merrte këtë vendim, dhe ta burgoste bashkëshorten në një kafaz prej druri të cilin e ndërtoi për dy ditë.

Burri 43 vjeçar i tha për People's Daily se kjo ishte e vetmja mënyrë që ajo të mos lëndonte pjestarët e familjes. Kafazi 1,5 metra i gjatë dhe 1 metra i gjerë u ndërtua nga Li në fillim të vitit 2015 pasi Chen theu pasqyrën e një makine të shtrenjtë ku familja u detyrua të paguante 10 mijë jen për dëmin.

Kur gazetarja vizitoi familjen, 33 vjeçarja po bërtiste brenda kafazit teksa mbahej te kangjellat. "Këtë e bëjmë për të ndihmuar familjen të mbijetojë. Për familjen tonë, lumturi do të thotë thjesht të vazhdojmë të jetojmë", u shpreh Li. /albeu.com/

Shtuar më 16/12/2015, ora 09:59

Shkruani komentin tuaj!
Të fundit nga kjo kategori