I jep vajzës pajë me vlerë 120 milionë euro
Pëlqej
Një manjat kinez i tjegullave i ka dhuruar vajzës së tij dhurata me vlerë mbi 120 milionë euro, ku përfshihen katër kuti me bizhuteri floriri, dy makina luksoze, aksione dhe disa shtëpi me rastin e martesës.

Në mesin e dhuratave ekstravagante përfshihet edhe një çek bankar me vlerë 2.5 milionë euro, shkruan shekulli.

Fotot e momentit të dhënies së dhuratave janë publikuar dhe në internet.

Wu Duanbiao, president i firmës qeramike Fujian Wanli Group, i ka dhënë bashkëshortit të vajzës së tij pasuri të patundshme dhe një dyqan për shitje me pakicë.

Përveç aksioneve me vlerë 12 milionë euro në firmën e tij të trashëguar, ai i ka dhuruar çifti dhe dy makina, një Porsche dhe një Mercedez.

54-vjeçari gjithashtu ka dhënë 3 milionë euro donacion në dy organizata bamirëse. /albeu.com/
Shtuar më 02/01/2013, ora 18:46

Shkruani komentin tuaj!
Të fundit nga kjo kategori