EMRI/ Aksidenti tragjik me 3 viktima në Rrugën e Arbrit, arrestohet shoferi i “Benzit” me targa angleze

Është vënë në prangat e policisë Edison Lazri, shoferi i “Benzit” me targa angleze, që shkaktoi aksidentin tragjik mbrëmjen e djeshme në Rrugën e Arbrit, ku për pasojë humbën jetën 3 persona dhe u plagosën 4 të tjerë.

Viktimat që po udhëtonin me “Benzin” tjetër ishin dy vëllezërit, Kujtim e Murat Istrafi dhe gruaja e njërit prej tyre, Lulzime Istrefi.

4 persona e plagosur u identifikuan si, Mërgim dhe Edison Lazri, 25 dhe 20 vjeç si edhe Kadrie Markeçi dhe Firuze Istrefi 59 vjeç, të katërt pasagjerë, kjo e fundit është bashkëshortja e një prej viktimave që ishte në mjetin tjetër.

Njoftimi i policisë:

Specialistët e Sektorit të Policisë Rrugore në DVP Dibër, arrestuan shtetasin E.L., 28 vjeç, banues në fshatin Bllatë, Dibër. Arrestimi i tij u bë pasi me datë 04.01.2023 rreth orës 18.15, në aksin rrugor Bulqizë-Maqellarë në urën e fshatit Gjoricë duke drejtuar automjetin tip ‘Benz’, është përplasur me një automjet tjetër tip ‘Benz’, që drejtohej nga shtetasi K.I., 55 vjeç, banues në Maqellarë.

Si pasojë e këtij aksidenti humbi jetën drejtuesi i mjetit shtetasi K.I., dhe dy pasagjerët M.I(D), 74 vjeç; L.I., 51 vjeçe. Po si pasojë e këtij aksidenti mbetën të lënduar shtetaset F.I., 55 vjeçe; K.M., 18 vjeçe; M.L., 24 vjeç dhe shtetasi E.L, të cilët po marrin ndihmë mjekësore në spital.

Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme./albeu.com