"Gizmodo" raporton se 2 kriminelë kolumbianë duke kërcënuar me armë kanë vjedhur një internet kafe në qytetin Cali, por fatkeqësisht, njëri prej tyre e ka lënë hapur profilin e tij në Facebook në njërin nga kompjuterët.

Njoftohet se, hajdutët kanë hyrë në internet kafe, janë ulur në dy kompjuterë dhe e kanë shfrytëzuar një kohë internetin. Kur janë drejtuar që ta paguanin faturën, kanë nxjerrë armët dhe kanë marrë të gjitha paratë nga arka.

Pas largimit të tyre, punëtori i ka thirrur policët, të cilët në njërin nga kompjuterët që i kishin përdorur kriminelët kanë gjetur të hapur profilin në Facebook, nga i cili janë marë informacionet se kush ishin grabitësit, të cilët pak minuta më vonë janë gjetur dhe arrestuar.

Nga profili, policia ka marrë emrin dhe mbiemrin e hajnit dhe adresën e tij, ndërsa më pas vjedhësit janë arrestuar dhe tash gjenden në burg.