Grabitësit në Gjermani vjedhin relikte 1000-vjeçare të një shenjtori
Persona të panjohur kanë vjedhur relikte mijëra vjeçare të një shenjtori nga një kishë mesjetare në Regensburg në Gjermaninë jugore, tha policia sot.

Eshtrat e Shën Wolfgang, një peshkop mesjetar, u hoqën me forcë nga kisha që mban të njëjtin emër.

"Hajdutët vodhën relikte nga qelqi dhe çeliku i papërshkueshëm nga plumbi duke përdorur forcë të madhe. Dëmi jo pasuror është i pamatshëm," njoftoi kisha.

Vjedhja ndodhi vetëm disa ditë para ditës së Shën Wolfgang më 31 tetor.

Wolfgang, i cili vdiq në vitin 994, ishte peshkopi i parë i Regensburgut. Ai u shenjtërua në vitin 1052. Siç është zakon me reliktet mesjetare, pjesë të trupit të tij janë varrosur në vende të ndryshme.

Ka dy varre të WolfgangRegensburg. Shumica e relikteve mbahen në bazilikën Emmerams, dhe ato më të vogla në kishën e Shën Wolfgang. Reliktet e tjera të Wolfgang gjenden në Austri dhe Portugali.
Shtuar më 27/10/2020, ora 10:35

Shkruani komentin tuaj!
Të fundit nga kjo kategori