Fitojnë llotarinë prej 11 mln $, i falin për bamirësi
Pëlqej
Bashkëshortët Allen dhe Violet Large
Bashkëshortët Allen dhe Violet Large, të cilët kanë fituar në llotarinë kanadeze mbi 11 milionë dollarë, kanë falur fitimin e tyre, pasi, siç pohuan, ai do t'iu "shkaktonte kokëçarje".

Allen (75) dhe Violet (78) së pari u kanë ndihmuar miqve dhe të afërme të vet, kurse pjesën tjetër të mjeteve ia kanë falur organizatave bamirëse dhe spitaleve.

Violet Large, e cila vuan nga kanceri, tha se letrat falënderuese që i ka marrë, tregojnë se bamirësia e tyre është shpaguar. “Nuk mund t’iu mungojë diçka që kurrë nuk e keni pasur. Jemi të lumtur dhe të kënaqur. Kemi bërë shumë të mira për të tjerët me paratë e fituara që i kemi falur”, ka sqaruar Violet.

Alleni pohon se kanë jetuar mirë edhe para se të bëheshin milionerë. “Paratë që i kemi fituar për ne nuk paraqesin asgjë. Mjafton që e kemi njëri-tjetrin”, tha ai, duke shtuar se për çdo rast kanë ruajtur 230 mijë dollarë për “ditë të zeza”.
Shtuar më 06/11/2010, ora 18:02
Shkruani komentin tuaj!
Të fundit nga kjo kategori