Një nënë shtatzënë me diabet u ndimua nga Presidenti amerikan, Barack Obama para se ajo të binte para këmbëve të tij pasi humbi ekuilibrin gjatë një fjalimi që Obama po mbante për reformën shëndetësore.

"Ja çfarë ndodh kur flas shumë gjatë", u shpreh me shaka
Obama. Presidenti amerikan po mbante një fjalim në Kopshtin e Trëndafilave në Shtëpinë e Bardhë dhe Karmel Allison ishte një prej atyre që do përfitojnë nga paketa e re shëndetësore që ofron Obama.
Ndërsa konferenca për shtyp zgjati, Allison nisi të kishte probleme dhe humbi ndjenjat. Në këtë moment, Obama u kthye dhe e kapi atë.Allison ishte ftuar në Shtëpinë e Bardhë pasi vuan nga tipi 1 i diabetit që kur ka qenë 9 vjet, por ka pasur të njëjtin nivel sigurimi, pavarësisht kostove në rritje për mjekimin. Reforma shëndetësore është një nga betejat më të mëdha të presidentit Obama.