Aksident i rëndë në Tiranë, makina hipën në trotuar dhe merr përpara këmbësorët

Një aksident i rëndë raportohet të ketë ndodhur pak momente më parë pranë Liqenit Artificial të Tiranës.

Sipas dëshmitarëve një automjet i tipit “Peugeot” i drejtuar nga një femër, për arsye ende të panjohura, hipi mbi trotuar duke goditur rreth 10 kalimtarë të pafajshëm.

Sipas dëshmitarëve nga vendngjarja, mjeti ishte me shpejtësi dhe mori zvarrë të gjithë njerëzit që për fatin e tyre të keq gjendeshin në trotuar në ato momente.

Tiranë/Informacion paraprak

Më datë 15.08.2022, në afërsi te “Kodra e Diellit”, shtetasja D. G., 29 vjeçe, duke drejtuar mjetin ka aksidentuar këmbësorët B. H., 60 vjeç, V. H., 57 vjeçe dhe A. T., 27 vjeçe, të cilët si pasojë janë dëmtuar dhe ndodhen në spital, nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të aksidentit.