Prej disa javësh kampionatet nëpër botë janë pezulluar, ashtu edhe në Shqipëri, me rinisjen që nuk dihet se kur do të jetë. Në këto kushte futbollistët janë duke u stërvitur në kushtë shtëpie.
Të njëjtën gjë kanë bërë edhe 3 lojtarë të Partizanit. Bruno Telushi, Enea Bitri dhe Lorenc Trashi, nën udhëzimet e trajnerit vlonjat Bes Shabani, janë munduar të bëjnë stërvitje në kushte shtëpie.
Lojtarët kanë marrë nga një çantë të mbushur dhe nga një bidon me ujë dhe kanë ndjekur udhëzimet e Bes Shabanit, duke bërë disa ushtrime.
Një formë shumë e mirë kjo, në mënyrë që lojtarët të jenë gati për rifillimin e kampionatit, ndonëse do iu duhet disa ditë stërvitje në fushën e blertë.