A është gripi gjatë shtatzanisë shkak për autizëm tek fëmijët?
Ekspertët theksojnë se ka një farë rreziku për zhvillim të autizmit nëse nëna preket nga gripi dhe temperatura (nëse këto zgjasin më shumë se një javë) gjatë 3 muajve të parë të shtatzënisë.

Por një studim i fundit shpjegon se gripi gjatë shtatzanisë nuk i rrezikon fëmijët nga autizmi.

Por gjithsesi, ekspertët shëndetësor britanikë vazhdojnë t’i rekomandojnë gratë që të vaksinohen. Vaksinat kundër gripit mbrojnë gratë shtatzëna nga aborti, lindjet e parakohshme dhe komplikacione të tjera, si pneumonia.

Ato forcojnë gjithashtu imunitetin e fëmijës në muajt e para të jetës.

Një studim i vitit 2012 zbuloi se fëmijët, nënat e cilëve ishin ekspozuar ndaj gripit gjatë shtatzënisë, kishin më shumë gjasa të bëheshin autikë.

Ndërsa shkencëtarët danezë zbuluan se gratë shtatzëna që janë me grip dhe temperaturë për më shumë se një javë janë 3 herë më të rrezikuara që të kenë një fëmijë autikë.

Shkaktari i autizmit mbetet akoma enigmë. Hulumtuesit shkencorë amerikanë monitoruan 196 mijë fëmijë të lindur mes viteve 2000-2010. Gati 1500 nëna ishin prekur nga gripi gjatë shtatzënisë dhe 45 mijë ishin vaksinuar.

Si përfundim, nga 196 000 fëmijë, vetëm 3000 prej tyre lindën autikë./albeu.com/

Shtuar më 30/11/2016, ora 12:00

Shkruani komentin tuaj!
Të fundit nga kjo kategori