A e dini se Kosova dikur ka patur sistem të acancuar të mbrojtjes nga breshëri?
Nga viti 1968, Kosova posedonte një sistem të mbrojtjes kundër breshrit, që fillimisht nisi me një pikë radari në Gjakovë, dhe më pas u vendosen edhe në Koliq e Budisalc për rrafshin e Dukagjinit.

Nga prilli deri në shtator, kur edhe është periudha e breshrit në Kosovë, lëshoheshin raketa sa herë që kishte nevojë nga 180 pika.

Sylë Tahirsylaj tregon edhe për procedurat e deri tek lëshimi i këtyre raketave.

“Për ta lëshuar sistemin raketor në kupën qiellore janë korridoret ajrore të aviacionit dhe nuk guxon me gjujt përherë. Çdo gjë ka qenë e incizume”, tha ai.

E për këtë mbrojtje bujqit duhej të paguanin.

Atë botë, ky proces kryhej nga një drejtori e veçantë, por që me luftën e fundit, funksionimi i saj u shua.

Sylë Tahirsylaj, ish-drejtor i Institutit Hidrometeorologjik, tregon që sa ishte në krye të institutit hidrometeorologjik bëri një plan për mbrojtje nga breshëri, por ai nuk u realizua kurrë nga institucionet kosovare.

Tahirsylaj dhe drejtoresha e tanishme e institutit Letafete Latifi konsiderojnë se mbrojtja nga dëmet e këtyre të reshurave i takon Ministrisë së Bujqësisë.

Por Isuf Cikaqi nga Departamenti i Politikave Bujqësore në këtë Ministri tha për Klan Kosovën se KFOR’i nuk i ka lejuar rifunksionalizimin e një sistemi të tillë qysh në vitin 2008.
Shtuar më 09/05/2018, ora 11:42
Shkruani komentin tuaj!
Të fundit nga kjo kategori