3 shenjat treguese të një lidhjeje të fortë dhe të shëndetshme që do të zgjasë përjetë
Lidhjet e shëndetshme dashurore ju bëjnë të ndiheni të lumtur dhe në paqe me veten.

Kjo është përgjigjja më e shkurtër e pyetjes së çfarë është një lidhje e shëndetshme. Pasi dikush ka kaluar “një lidhje të sëmurë” me siguri do kishte dëshirë të kuptonte ndryshimin mes një lidhjeje të vërtetë dhe një lidhjeje të rreme, e cila sjell më shumë vuajtje se gëzim.

Këto lloj lidhjesh e errësojnë jetën tuaj deri në çmenduri… Njerëzit e shëndetshëm kërkojnë një lidhje të shëndetshme, dhe kjo bën që ato të gjejnë dashurinë e vërtetë.

Por çfarë e dallon konkretisht një lidhje të shëndetshme nga një jo e shëndetshme?

Lidhjet e shëndetshme nuk përfshijnë lojëra mendore apo ‘sinjale mikse’.

Lidhjet e shëndetshme përfshijnë të dy partnerët në mënyrë të barabartë në lojë, ku në disa raste, njëri mund të tërheqë më shumë e tjetri më pak, por ekuilibri në fund mbahet nga të dy. Në këtë marrëdhënie ato janë të drejtpërdrejtë dhe të sinqertë. Nuk është e rëndësishme që ato të kenë të njëjtat interesa por është e domosdoshme të kenë të njëjtin vizion për jetën.
Dashuria e vërtetë është e balancuar.

Ajo nuk ka nevojë për njeriun tjetër që “ta plotësojë” por për një individ të rritur dhe të qartë në idetë e tij. Nuk është e shëndetshme kur dashuria përdoret për të mbushur ato që personi nuk i manifeston dot më vete. Dashuria e vërtetë nuk mundet të përmbushë nevoja apo pjesë që i mungojnë një individi nëpërmjet partnerit. Kjo është varësi simbiotike: tërheqje, që nuk ka lidhje me dashurinë.

Dashuria nuk luan. Ajo nuk shkakton dhimbje apo humbje.
Dashuria e vërtetë është një eksperiencë që na lartëson dhe na rrit si individë.

Ajo ekziston por me një kusht: Që të gjeni personin e duhur, duhet të jeni personi i duhur. Kjo, për ato njerëz që bien në gabime të përsëritura në marrëdhëniet e tyre me partnerët.

Që të jesh personi i duhur duhet të përmbushësh kushtet për dashuri. Ndërtojeni jetën tuaj në atë mënyrë që të jeni e/i pavarur, interesantë dhe mendjehapur. Kështu do të tërhiqni rreth vetes njerëz të pavarur, interesantë dhe mendjehapur. /albeu.com/
Shtuar më 07/07/2017, ora 16:19

Shkruani komentin tuaj!
Të fundit nga kjo kategori