Dy fëmijë kanë rënë në një pus në fshatin Milloshevë. Deri më tani, njëri nga ta është nxjerrë pa shenja jete, kurse për tjetrin po vazhdon kërkimi.
Lajmin për “Zërin” e ka konfirmuar zëdhënësi i policisë së Kosovës, Daut Hoxha.
“Me datë 16.06.2020 rreth orës 15:00, Policia ka pranuar informatën se në fshatin Milloshevë dyshohet se dy fëmijë kanë rënë në një pus. Policia me njësitet e saj ka dalë në vendin e ngjarjes, si dhe ka njoftuar ekipet e emergjencës”, ka thënë Hoxha.
Ai tha se fëmija i parë mund të jetë i moshës 10/12 vjeçar.
“Ekipi mjekësor ka konstatuar vdekjen e një fëmije rreth 10/12 vjeçar i nxjerrë nga pusi. Po ashtu janë njoftuar ekipet e kërkim-shpëtimit për nxjerrjen edhe të një fëmije tjetër i cili dyshohet të ketë rënë ne pus/ujë”, deklaroi Hoxha.
